Hiri-tribuak; estetikatik haratago. eitb erreportajeak/ 2008/05/26. Janzkerak bereizten ditu. Taldeka zein bakarka ikus daitezke. Hirietan batez ere. Batzuek 'hiri-tribu' esaten diete metropolietako janzkera, tendentzia, estilo edo pentsaera bereko taldeei.

Hutsuneak bete.

Hutsuneak bete ondoren, "erantzuna egiaztatu" botoia sakatu ea ondo egin duzun ikusteko. Pista bat ere eska dezakezu!
Marta Fernandezek eta Raquel Sanchezek 30 urte dituzte eta gothikotzat dute bere burua. Kolore beltza dute gogokoen eta ahal dutenean larruzko, likrazko, belusezko edota binilozko arropak janzten dituzte: "Horrek ez du esan nahi egunero horrela janzten garenik, izaten da. Praktikoak gara eta beste edozein pertsona bezala, txandala edota praka bakeroekin irteten gara kalera, hori bai, beltzez ia beti", esaten du Martak.

Raquelek arropa, musika, liburu eta apaingarri gothikoen denda bat du Bilboko Zazpi Kaleetan; Gothic Zone. Estatu osora saltzen ditu Europatik ekarritako produktuak. , "gero eta jende gehiagok janzten du arropa gothikoa, besteak beste elegantea delako. Glamourra duen estiloa da eta gaur egun, esaterako, ezkontzatan gotikoz jantzi nahi duen jende kopurua handituz doa".

"Arrosa, fuksia eta antzerako kolore biziak dira gure estiloaren bereizgarri nagusiak". Hala definitzen du Irene Orozko gazteak (18 urte) loliten estetika. "Hala ere, gureak ez du zerikusirik Vladimir Nabokovek idatzi zuen Lolita liburuarekin. Japoniatik datorren azpikultura da. Mendebaldean duela bi mende modan zegoen estilo neogotiko biktoriarra, Rokokoa eta Japoniako moda uztartzen ditu tendentzia honek", azaldu digu. Duela bizpahiru urte izan zuen Irenek janzkera mota horren berri, . Gaur egun Bilbo inguruan bospasei bakarrik dira horrela janzten direnak.

Talde batekoa edo bestekoa izan, denak bat datoz: ez dakite zerk eraman dituen horrela janztera. "Guk sentitzen duguna azaltzeko modu bakarra da hau", dio Irenek. da Marta, izan ere, gotikoz janztean "bera den bezelakoa sentitzen" da.
Julen Espeso Temblores taldeko abeslari eta gitarrista da. Psychobillytzat du bere burua, baina "punkia, heavya edota harri-jasotzailea banintz ere Julen izaten jarraituko nuke".

Iratxe Otolazaga Trakabarraka arropa markaren sortzaile eta diseinatzailearen ustez, janzkera gure nortasunaren "aurpegi" bat da. "Esan nahi duguna esateko" modu bat, "espresio" bat. Bere ustez, adin zehatz bateko fenomenoa. "Nortasuna guztiz garatu gabe dugunean gu bezalako jendearekin batzen gara, talde baten partaide garela sentitzeko beharra dugu".
, estetika %50 da: "Tupe erraldoi bat ikustean edonork daki zer zaren".

Talde bateko kide izatearen behar horrek bultzatuta, janzkera eta pentsaera bereko jendearekin batzeko joera du gizakiak. Irenek, esaterako, Interneta erabiltzen du beste lolitekin harremanetan jarri eta bere bizipenak besteekin elkartrukatzeko. "Lolitainwonderland" bezalako foroak erabiltzen dituzte.
Askok hiri-tributzat jo arren, Martak argi du bera ez dela inolako taldetako kide. "Ni zabala naiz, edozein janzkeradun pertsonekin dut harremana, bestelako jendea ezagutzen saiatzen naiz". Horregatik, hiri-tribuen kontzeptua "itxia" dela uste du.

Janzkera dela bat datoz gehienak. Hala ere Martak eta Raquelek ez dute zalantzarik: "Gothikoak gara, baino ezer baino lehen Marta eta Raquel gara".