Lok. : Garbi dago hemen ez gaudela Estatu Batuetan eta, onerako edo txarrerako, hemen beste era batera bizi garela. Esaten ari naizenaren lekuko dira hemen nirekin dauden bi amerikar hauek. Estatu Batuetatik etorri dira Donostiara euskara ikastera. Ez al da horrela?

Iparramerikarrak: Bai, horrela da, bai!

Lok.: Libre dituzuen minutu hauek aprobetxatu nahi izan ditut, hemen aurkitu dituzuen ohitura bitxi eta gauza harrigarriei buruz galdera batzuk egiteko. Oso ezberdinak iruditzen zaizkizue hemengo jendea eta ohiturak?

Jessica: Bai, oso-oso ezberdina da dena! Hemengo jendea, adibidez, askoz atseginagoa da kalean. Norbaiti zerbait galdetzen badiozu, irribarrez erantzungo dizu.

-Jessikaren ustez, hemengo jendea atseginagoa da, aurpegian irribarrea duela ibiltzen baita kalean.

Mike: Bai, gero bestalde, hemen taberna gehiago dago han baino, eta jende asko ibiltzen da kuadrilan basoerdiak edaten. Hori dela eta, giro polita sortzen da Donostiako Parte Zaharrean.

- Donostiako Parte Zaharreko giroa oso polita da, tabernaz beteta baitago.

Jessica: Niri oso desberdinak iruditzen zaizkit otorduak. Rito handia dute hemen. Bazkalorduan, adibidez, denak biltzen dira eta inor ez da mahaitik altxatzen. Hangoak askoz ere libreagoak dira, nork bere gisa egiten ditu...

Lok.: Gustatzen al zaizue hemengo sukaldaritza?

Mike: Bai, niri asko: baina gu ez gaude hainbeste jaten ohituta. Guk, adibidez, eguerdietan askoz ere gutxiago jaten dugu, sandwich pare bat laranja zumu batekin eta kafea...

Jessica: Hemengo kafea ere desberdina da; hangoa arinagoa da. Oso fuertea egiten zait hemengoa...

-Hemengo kafea gustokoagoa dute.

Mike: Oso harrigarria da, baita ere, hemen zenbat festa antolatzen diren herri guztietan. Eta afariak. Dagoeneko makina bat afaritan egonak gara eta oso giro ona sortu izan da beti...

Jessica: Han festa bat antolatu nahi dugunean lagunen artean, ba, etxean egiten dugu. Hemen ez da etxeetan festarik antolatzen han bezala...

-Estatu Batuetan antolatzen dituzten festetan hemengo ardoa edatea gustatzen zaie.

-Han etxean antolatzen dituzten festetan sanwitchak eta laranja-zumoa hartzen dute.

Lo.: Eta jendearengan gustatu ez zaizuen ohiturarik aurkitu al duzue?

Mike: Bueno, bai! Hemen, adibidez, jendeak askoz ere gehiago erretzen du, gazteen artean batez ere. Han, aurkako kanpaina egin ondoren, gazte jende gutxik erretzen du. Han dexente erretzen dutenak emakume zaharrak dira; izan ere, beren gazte denboran modan egon baitzen.

-Hemengo gazteek gehiago erretzen dute.

-Hango emakume zaharrek dexente erretzen dute, tabakoa merkea delako.

Lo.: Eta zuk, Jessica, baduzu beste esatekorik?

Jessica: Bueno. Ni harritu nauen beste gauza bat da hemen horrenbeste senar-emazte paseoan ikustea. Han jendeak ez du paseatzen.

Mike: Bai! Izan ere, han kotxea askoz ere gehiago erabiltzen da. Edozertarako erabiltzen dugu kotxea. Hemengoekin konparatuta guk erabiltzen ditugunak oso handiak dira...

Mike: Bai! Eta jendeak arinegi konduzitzen du!

-Han autoak azkarrago ibiltzen dira, automatikoak baitira.

Lok.: Eta, zer moduzkoak iruditu zaizkizue hemengo komertzioak?

Jessica: Bueno, hemengoak hangoen aldean oso txikiak dira. Eta oraindik ez naiz ohitu dendak eguerditan itxita ikustera.

Mike: Hemen banketxeetan langile gehienak gizonezkoan dira: han, berriz, emakumezkoak.

-Harrigarria iruditzen zaie dendak eguerdian itxita ikustea.

Lok.: Eta bukatzeko baduzue beste esatekorik?

Mike: Bueno. Bukatzeko esango dizut, ba, gu han etxean hankahutsik ibiltzen garela eta hemen ez dugula horrela inor ikusi.

Jessica: Eta nik esango dizut, ba, hemen iragarki eta panfleto gehiago ikusten dela kaleeta...

Lok.: Tira, ba, besterik ez. Eta eskerrik asko esandakoagatik!

-Estatu Batuetan jendea biluzik ibiltzen da etxean.