Juri Alexeievitx Gagarin 27 urteko kosmonauta espaziora bidali zuten 1961eko apirilaren 12an Baikonurreko hegaldien zentrotik, Vostok (ekialdea esan nahi du) espaziontzian. Bidaia laburra izan zen, bi ordu _______________ (108 minutu), eta Vostok espaziontziak bira bakarra eman zion Lurrari, segunduko ia zortzi kilometroko abiaduran eta 175 eta 302 kilometro bitarteko altueran baina; Gagarinen paseoa mugarria izan da espazioaren konkistan, espaziora joandako lehen gizakia izan baitzen, gizakia zeraman espazioko lehen hegaldia izan zen.

Joateaz gain, onik bueltatu zen: Volgako estepan, Saratovetik gertu lurreratu zen. Kaskoan azken orduan marraztutako USSR hizkiak zituen (SESB euskaraz, Sobietar Errepublika Sozialisten Batasuna), SESBetik kanpo eroriz gero nongoa zen jakin ______________ .

Juri Gagarinek etzanda egin zuen bidaia, hankak piska bat tolestuta eta aulki moduko batean eserita, espaziontziaren azelerazioak eta atmosferara sartzea hobeto ____________ . SESBeko teknikariek bere bihotza eta tentsioa kontrolatzen zituzten Lurretik.

Bidaiaria, ez gidaria

Baina Gagarinen gorputzaren egoera kontrolatzeaz gain, teknikariek Vostok espaziontziaren bidaia une oro kontrolatu zuten: Gagarinek aurrean Vostoken norabidea, abiadura, altuera... ikusten zituen arren, ezin zuen ezer aldatu. Izvestia egunkariak urte batzuk geroago argitaratu zuenez, Gagarinen ikararen beldur, misioaren zuzendariak larrialdietarako eskuzko agintea ________________ egin zuen. Indarrean jartzeko sistema bazegoen, baina ez zioten jakinarazi azken unera arte.

Itzultzean, Gagarin SESBen sinbolo eta ordezkari bihurtu zen. Bidaiaren arrakastak sekulako poza eta harrotasuna sortu zuen SESBen; etsipena eta bekaizkeria, berriz, Estatu Batuetan. “Espazioan guztiontzako lekua dago”, esan zuen Gagarinek bueltatzean. Estatubatuarrek Alan Shepard astronauta bidali zuten espaziora 23 egun geroago.

Egungo egoera bestelakoa da. Estatu Batuek aurrea hartu diote Errusiari espazioaren konkistan, are gehiago Mir eroriarazi eta gero.