BIZILEKU PUZGARRIA Emancipator Bubble izeneko proiektua aurkeztu dute, gazteek independentzia handiagoa lor dezaten. (Izaskun Barrenetxea. Berria, moldatua).
Erantzunak eman.
Zure erantzuna idatzi ondoren, "erantzuna egiaztatu" sakatu. Arrastoren bat behar baduzu "laguntza" sakatu.
Etxebizitzen prezioa, lan munduko prekarietatea, erosotasuna... Gazte gehienek ez dakite noiz izango duten gurasoen etxetik irteteko aukera. “Bada, larrialdiei stop!”, esan dute Bubble Business enpresako kideek. Emanzipazio arazoa konpondu nahian, produktu berezia asmatu dute: Emancipator Bubble, burbuila itxurako bizileku puzgarria. Gurasoen etxetik irten gabe askatasun handiagoa lortzen lagun dezakeen bizilekua dela diote asmatzaileek. Gainera, gastu gutxikoa da; izan ere, gurasoen etxera lotu behar dira ura, telefonoa eta argindarra jasotzeko sarrerak. Hortaz, ahalegin txikiarekin, askatasun handiagoa lor daiteke gurasoen etxeko erosotasunak galdu gabe. Hori bai ideia biribila!
Emancipator Bubble, _____________________________
etxebizitzen prezioa konpondu nahian sortu dute.
gazteek etxebizitza berriak “okupa”tzeko modu berria da.
gazteak askatasun handiagoz bizitzeko era berezia da.
Atzo aurkeztu zuten proiektua, Bilbon, Errekalde aretoan, Errekalde zumarkalea 30, eta han egongo dira eskura produktuari buruzko informazioa eta bideoa, urriaren 10era arte. Esku-orriak ere badabiltza banatzen, kalean, eta txikleak, puxikak... Gero, Gasteizen eta Donostian ere aurkeztuko dute.
Produktu berri honi buruzko informazioa, ________________________
Errekalde Aretoan soilik eskuratuko da.
Bilbon ez ezik Gasteizen eta Donostian ere zabaldu dute jada.
bideoaz gain esku-orri eta abarrez osatu dute.
Alex Mitxelena eta Hugo Olaizola arkitektoek izan zuten Emancipator Bubbleren jatorrizko ideia, eta Saioa Olmok garatu du, Amaste produkzioari esker. Besteak beste, honako hauen laguntzarekin osatu dute Bubble Busines enpresa eta garatu dute Emancipator Bubble proiektua: Arteleku, Monte-hermoso kulturgunea, Eusko Jaurlaritza, Bizkaiko Foru Aldundia, Madrid Abierto, Bilbotex, Euskadi Gaztea eta Pedro Perez diseinatzaile industriala.
Bubble Busines enpresa eta Emancipator Bubble proiektua, ______________________
Alex Mitxelenak eta Hugo Olaizolak atera dituzte aurrera.
Saioa Olmok zuzentzen duen Amaste produkzioaren laguntzaz sortu ziren.
zenbait erakunderen laguntzarekin osatu dira.
Olmoren iritziz, gazte guztiek izan beharko lukete Emancipator Bubble bat. Gainera, gazte bakoitzaren estiloari egokitutako modeloak daudela azpimarratu zuen. “Hamalau modelo daude. Oinarrizko modeloaz gain, adibidez, Emancipator Deluxe dago, hau da, luxuzkoa, maila goreneko prestakuntzak dituen modeloa; eta, esate baterako, Emancipator Card izenekoari esker, gurasoen kontura egin daitezke erosketak. Sexmancipator modeloa, ostera, egokia da bikotekidea etxera gonbidatzeko. Gainera, latexaren antzeko materialarekin eginda dago eta barnealdea une guztietan labaingarriz bustita dago. Bibrazioak sortzen dituen motor txiki bat ere badu. Autodeterminator modeloa, aldiz, gurasoez ezer jakin nahi ez, baina nahi edo ez euren mugen barruan bizi direnentzat da...”.
Olmoren esanetan, ____________________________
“Gaztea nolakoa, Emancipator Bubble halakoa”.
oinarrizko hamalau modelo daude.
Sexmancipator latexezkoa eta irristagarria da.
Oinarrizko modeloak 150 euro balio du. Neurrian, berriz, metro bi luze eta 1,50 edo 1,30 metro zabal da. Oinarrizko modeloa izanda ere, abantaila asko dituela nabarmendu zuen garapen zuzendariak. “Emancipator Bubblek etxeko liskarrei ezetz esatea esan nahi du, ezetz pisuen neurrigabeko prezioei, ezetz inoiz iristen ez diren diru laguntzei, ezetz zure erosotasuna galtzeari, ezetz bizi guztirako diru zorretan egoteari eta ezetz beti bankuak irabazteari”. Eta gurasoak? “Eurek beti seme-alabentzat onena nahi izaten dute eta, dudarik gabe, Emancipator duzu horixe”, erantzun zuen Olmok. “Hortaz, emantzipa zaitezte etxetik bota arte!”.