Roland Lapczinski kale-musikaria. ikasbil.net, 2006/04/07. Roland Lpczinskik kalean

Galderak eta erantzunak lotu

Hutsuneak bete ondoren, "erantzuna egiaztatu" botoia sakatu ea ondo egin duzun ikusteko.Pista bat ere eska dezakezu!
1- ?
- Handia. Kalean eguraldiaren menpe nago, eta babesean ez. Kalean non jo eta non ez pentsatu behar dut. Igeldo gainean laino beltzak ikusten baditut badakit alde egiteko ordua heldu zaidala. Orduan Antiguako tunelera joango naiz, adibidez. Eta hor kalean lanean gabiltzanon arau bat betetzen dut: tokia lehendabizi iristen den harena da.

2- ?
- Ni Hamm-en bost urtez joan nintzen musika-kontserbatoriora, eta ez nuen musika-instrumentu bakarra jotzen, baina kalean txirula jotzen dut, badut beste txirula bat ere, baina plastikozkoa erabiltzen dut. Zergatik? Kalean eguraldiak hondatu egiten dituelako egurrezko txirulak. Ez dute 15 egun behar bezala irauten aire librean. Eta aire librean haizea dabil, eta horregatik jarri dizkiot txirulari goiko aldean kartoizko babesgarri hauek. Haizea zulotik sartzen bada, behe-soinuak, azpitik edo behetik jotakoak, ez dira entzuten. Alferrik da putz egitea indarrean. Ez dira entzuten, eta kito. Trafikoak ere ez du musika entzuten uzten. Ni lanbidez argiketaria naiz eta auto-mekanikaria. Beraz, autoak konpontzetik bizi nintzen. Orain, berriz, autoek traba egiten didate, trafikoaren zaratak esan nahi dut. Kalean lan egiten dut, baina ez edozein kaletan, ahalik eta lekurik lasaienean jartzen saiatzen naiz. Bestela ez da musika entzuten, eta entzuten ez bada, jendeak ez du dirurik ematen. Kalea gauza asko dira: eguraldia, trafikoa, etxeak, kalean dabiltzanak... Ez dira berdinak herrietako kaleak astegunetan, batere jenderik gabeak, eta hiri koskorretako edo hiriburuko kaleak asteburuan. Asteburuan herri ez hain handietara joan daiteke, baina aste barruan ez dabil inor. Beraz, kaleak non jo, zer instrumentu jo eta nola jo baldintzatzen dizkit.

3- ?
- Nahikoa ondo, udan salbu. Udan Donostian 5 minuturo ondoan dauzkat argibide eske, eta alde egiten dut Lekeitio aldera. Eta berriro ere kalea da arazo. Behin isun bat jarri zidaten Donostian eta neuzkan sos-apurrak kendu. Isunak dio ﷓eskuan dauka﷓ molestagarria den ekintza bat egiteagatik jarri didatela isuna. Baina, zinegotzi batek esana du ez dagoela debekatua kalean eskean ibiltzea. Baina, nik ez daukat dirurik abokatu bat kontratatu eta kalean egiten dudana zilegi dela argudiatzeko.

4- .
- Hala da, baina Donostian eguraldiak zeresan handia dauka, toki guztietan du, baina Donostian, ez dakit, euria egiten duenean jendea presaka bezala pasatzen da ondotik, ezertarako astirik izango ez balu bezala edo etxean sartzeko gogoz balego bezala. Eta etxeko jendea ere kontuan hartu behar da. Toki batean esertzen banaiz, agian inguru horretan bizi den jendea aspertu egingo da denbora guztian ni entzuteaz, eta beraz, noizean behin lekuz aldatzea hobe. Ez dut inor molestatu nahi.

5- ?
- Geroz eta diru gutxiago ematen du jendeak. Nik baditut nire susmoak: jendea telefono mugikorra erabiltzen hasi denetik askoz ere diru gutxiago jasotzen dut. Eta ez dut uste arrazoia zera denik, telefonoan bertan dutela musika, ez. Uste dut diru asko jaten diela telefonoak berak. Eta Donostiara etortzen diren turistek, berriz, ez didate sosik botatzen, ezta batere. Beste toki batzuetan ez da horrela, ni Arrasatetik hasi eta Oiartzuneraino ibiltzen naiz, eta gero kostako herrietan, Lekeitio, Bermeo... Baina, herri hauetan ez dituzte turistak larrutzen, eta Donostian bai. Pentsio batek 50 euro gaua. Nora goaz? Prezio horretan hotela duzu Frantzian, eta Frantzia garestia da.

6- .
- 50 ordu eman nituen, baina zaila da ikasten, ez berez zaila delako, baizik eta ikasten ari denari gaztelaniaz egiten diozuelako. Horrela ezin da.

7- .
- Saiatzen naizelako gustatzen zaidan musika jotzen. Nik uste antzeman egiten dela gustatzen zaizuna jotzen duzunean. Hala ere, saiatzen naiz jendearen gustua ere egiten. Desberdina da Donostian aritzea, herri txikietan edo Gasteizen. Gasteizen negu bat pasa nuen bizitzen. Han arraro begiratzen dizute, Donostian eta herri txikietan besterik da: Bilintx, Mikel Laboa... Erosi egiten ditut partiturak. Dena dela, pelikuletako musika ere jotzen dut, edo musika klasikoa...

8- ?
- Kalean, lo-zakuan sartuta ez dut hotzik pasatzen. Ez dut arazorik. Kalea da nire lo-tokia.