MESSNER: “Gizona eta mendiaren arteko erlazio mitikoa galtzeko arriskua dago” Hamalau zortzimilakoak igotako lehen gizakiak Himalayako masifikazioa salatu du.
Erantzunak eman.
Zure erantzuna idatzi ondoren, "erantzuna egiaztatu" sakatu. Arrastoren bat behar baduzu "laguntza" sakatu.
Reinhold Messner Bilbon izan zen atzo BBK Mendiaren Asteko ekitaldien barruan hitzaldi bat ematen, Messnerrek gogor kritikatu zuen mendigoizale batzuek daukaten jarrera, eta adibide gisa jarri zuen “gaur egun Everest erosi” daitekeela.
Atzo Reinhold Messnerrek Bilbon _________________________.
bere azken liburua aurkeztu zuen.
Mendiari buruzko ekitaldien barruan hitzaldi bat eman zuen.
bere elkartasuna azaldu zuen mendigoizaleekin.
REINHOLD MESSNER mendigoizaleak mendia eta gizakiaren artean izan behar duen erlazio mitikoa galtzeko arriskua ikusten du. Messnerrentzat mendiak hiru ezaugarri ditu: isiltasuna, handitasuna eta arriskua. “Arriskua da jendea menditik urruntzen duen baldintzetako bat. Gaur egun nekea helikopteroekin saihestu dezakegu, eta beste iruzur batzuk ere erabiltzen dira mendiak igotzea errazago egiteko. Baina arriskua alde batera uzten badugu mendiaren izpiritua galduko dugu”. I
Messnerren ustez___________________________ .
ez dago menditik urruntzen duen ezer.
zenbait baldintzak jendea menditik urruntzen dute.
arriskuagatik joaten da jendea mendira.
Italiarrak esan zuen mendiak gizakiaren esperientziak zabalduko dituen lekuak bezala proposatu behar direla, eta mendiak ez direla igotzen dituzten pertsonenak bakarrik, guztionak baino. “Bizi ezin daitekeen leku gisa hartzen baldin baditugu, guztionak izan behar dute mendiek. Hori kenduz gero duen alde mitikoa galduko du mendiak” azpimarratu zuen.
mendian ezin badaiteke bizi, mendia ez dela inorena.
mendiak bizi ezinezko leku bezala hartuz gero, denonak izan behar dutela.
Era berean, Himalayan gertatzen den masifikazioa salatu zuen, eta aspaldian ahaztuak zeuden makroespedizioak itzuli direla gogorazi. Haietako batzuk 700 lagunetakoak direla aipatu zuen. Horrela, gaur egun Everest eros daitekeela adierazi zuen. “Nahi izanez gero Everestera igoera eros dezakezu: sokak jartzen dizkizute, janaria eraman..... Egoera fisiko on samarrean dagoen edozein hel daiteke Everesteko gailurrera eguraldiak pixka bat laguntzen badio”.
Gaur egun Messnerrek adierazi zuenez,_____________________.
eguraldiaren laguntzaz, edonor hel daiteke munduko mendirik altuenera.
munduko gailurrik altuenera edonor igo daiteke.
dirua edukiz gero, Everestera igo zaitezke.
“Mendiaren etorkizuna 7.000 metroko mendietan dago” Reinhold Messner mendigoizaleen artean jainko txiki bat bezalakoa da; ez bakarrik hamalau zortzimilako igo dituen lehen gizakia izan delako, baita oso berritzailea izan delako ere bere espedizioetan. Messnerrek faltan botatzen du berak ezarri nahi izan zuen izaera hori, arestian aipatu masifikazioa gogoratuz. Hala ere, itxaropentsu azaldu zen oraindik ere egitasmo berriak ikusten dituelako; Iñurrategi anaiek Broad Peak-era eginikoa aipatu zuen. “8.000 metroko mendiak interesa galtzen ari dira. Denborarekin 6.000 edo 7.000 metroko mendietan izango da interesa. Bertan gauza berriak egiten ahaleginduko diren espezialistak arituko dira”. Messnerren iritziz, “mendiaren etorkizuna lagun gitxi mendia igotzean izango da”.
Reinold Messner mendigoizaleen artean jainko txiki bat bezalakoa da_________________.
Everest igo duen lehen gizakia delako.
munduko hamalau mendi igo dituelako.
zortzimilako guztiak igo zituen lehen gizakia delako.
Reinhold Messnerrek egitasmo berriekin aurrera jarraitzen du. Gaur egun espedizio horizontaletan dabil, zehatzago harean egiten diren zeharkaldi luzeetan. Izan ere, azaldu zuen mota honetako espedizioak egokiagoak direla bere adinerako. Horrek ez du esan nahi mendiak alde batera utzi dituenik. Orain dela bi uda Gasherbum 1 mendian izan zen -ez zuen igo nahi izan momentu hartan 200 lagun igotzeko ahaleginetan ari zirelako- eta uda honetan Tibeten dagoen 7.000 metroko mendi bat igotzeko asmoa azaldu zuen.
(Egunkaria,1997ko abenduaren 11n)
Gaur egun 7.000 metroko mendietan dago interesa.
8.000 metroko mendiek gaur egun lehen beste interes sortzen dute.
Hemendik aurrera gauza berriak egitean egongo da interesa.