Baserritik saltoki handietara. Lur-Lan izenarekin merkaturatzen ditu bere produktuak baserritar talde batek.
Zure erantzuna idatzi ondoren, "erantzuna egiaztatu" sakatu. Arrastoren bat behar baduzu "laguntza" sakatu.
Bada urte eta erdi elkartea martxan jarri zutela. Baserritarrek inguruko merkatuetan saltzen zituzten euren produktuak, baina plaza horietatik kanpora aterabide gutxi zuten, bat ere ez ia. Baserritik merkatura eta merkatutik etxera; horixe zuten bide bakarra. Bururatu zitzaien, baina, guztiek bat eginez gero urrats bat aurrera egin ahal izango zutela. Eta saioa egitea erabaki zuten.
Lur-lan elkartea martxan jarri zuten eta____________________
inguruko merkatuetan euren produktuak ondo saltzen zituztenez pozik zeuden.
batera lan egitea mesedegarria zela ikusi zuten.
baserritik merkatura eta merkatutik etxera; horixe zen asmo berria.
Aspalditik elkar ezagutzen zuten guztiek. Ordizian asteazkenetan, Tolosan larunbatetan, Donostian hurrena... merkatu batean eta bestean topatzen zuten elkar. Hala, ba, bildu ziren egun baten, nondik ekin erabakitzeko. Garbi zeukaten euren erronka komertzializazioa zela, denda eta saltoki handietara egin behar zutela jauzia. Baina nola egin aurre prezio gerrari? Nola konpetitu? Nola egin txoko bat saltoki handietako apalategietan biltzen diren milaka eta milaka produkturen artean? Ba, kalitatea eta produktu berezituen marketinga eginez. "Bagenekien ezin genuela bestela konpetitu, hemengo baserritarra edo ekoizle txikia ezin liteke hasi merke saltzen. Kalitatea saldu behar du", esan digu Joseba Beitia Lur-Lan elkarteko kideak, Orexako gaztandegia erakusten digun bitartean.
Erabaki bat hartu zuten:__________________________
denda eta saltoki handietan saldu behar zutela.
euren erronka denda eta saltoki handiei uko egitea izango zela.
denda eta saltokien aurka salto handia emango zutela.
Helburu horri jarraituz osatu zuten Lur-Lan elkarteko produktuen katalogoa: Tolosako babarrunak, Ibarrako piperrak, Ordizia eta Orexako gaztak, esnekiak, marmelada gozoak, ahateki gutiziak, sagardo eta txakolina... denetarik da aukeran.
Erabakia hartu ondoren___________________
Lur-lan elkarteko baserritarren katalogoa egin zuten.
produktu guztiak sailkatu zituzten.
katalogo bat egin zuten beraien produktuak ezagutarazteko.
Produktu horiek guztiak bere kabuz egiten ditu baserritar edo ekoizle txiki bakoitzak, norberak bere neurrian. Batzuek, gazta kooperatibek esate baterako, badute produkzio handi samarra egiteko ahalmena. Badira, ordea, lan guzti-guztia eskuz eta apurka-apurka egiten dutenak ere, Abaltzisketako Nahera marmelada egileak kasu. Batzuk zientoka eta beste batzuk dozenaka egiten dituzten gaztak, marmeladak, ahatekiak eta gainerako produktu guztiak Leaburuko Mahala baserrian biltzen dituzte. Han Lur-Lan etiketa jartzen diete (etiketa berezi horretan nekazari bat ageri da bere aitzurrarekin). Bereizgarria jarrita, prest dira merkaturatzeko.
Produkzioari dagokionez________________________
baserritarren artean diru kopuru bat jarri zuten.
bakoitzak erabiltzen dituen produktuak ahal den neurrian egiten ditu.
baserritar bakoitzak erabakitzen du bere produkzioaren kopurua.
Produkzioari dagokionez___________________
Leaburuko Mahala baserrian produktu guztien ekoizpena egiten denez, hantxe jartzen diete etiketa produktuei.
Etiketa ipintzea derrigorrezkoa da produktua norena den jakiteko.
Elkarte honen produktuen bereizgarriak diseinu berezia dauka.
Hiru kamioi, hiru banatzaile aritzen dira joan-etorrian Mahala baserrira. Produktuak biltokitik hartu eta salmenta puntuetara eramatea izaten da haien lana. Baserriko produktu kalitatezkoak eramaten dituzte saltzen dituzten dendetara, baina, batez ere, saltoki handietara eramaten dituzte. Gipuzkoako merkatalgune handi ia gehienetan egokitu dituzte egurrezko apal polit batzuk, eta astean bitan bete eta txukun-txukun jartzen dituzte, erosleak baserriko produktuak begiz jo ditzan.
Produktuen salmentaren inguruan_____________
egurrezko apalak erakargarriagoak dira.
garrantzi handikoa da egurrezko apal polit batzuk edukitzea produktuak saltzeko.
produktuak erakargarriak izan daitezen leku on eta polit baten ipintzen dituzte.