KONTROLA:JOSUREN BIOLINA SARTZEN DA

JOSU:Azken Aste Santuan, nire lagunak eta ni oso aspertuta geunden.

MIKEL: Zer, telebista ikusiko dugu?...
MIKEL: ...ordu honetan marrazki bizidunak ematen ari dira...
ELENA: Ez...telebista ikustekotan, hobe film bat ikustea...
DANI:Ez... filmik ez... saskibaloiko finala ematen ari dira...

NEREA:Ez...telebistarik ez....beste gauza bat egin dezagun...
MIKEL: Badakit!... pizza bat egin dezagun guztion artean!...
JOSU: Ez al duzue ideia hoberik?
AITA: (EZTUL TXIKIAK) Aupa, neska-mutilok..!
GUZTIAK:Aupa!...
AITA: Begira zer ekarri dizuedan...

JOSU: Elenaren aita zen. Une aproposean agertu zen. Bere eskuetan liburu zahar bat zekarren.

ELENA: Zoratuta al zaude, aita... hau marka! Ez al duzu uste izango oporrak liburu zahar hura irakurtzen emango ditugula!...
AITA: Gainetik begiratu eta gero hitz egingo dugu...tori. Agur!...
GUZTIAK:Agur!...

JOSU: Dani liburua ikustera animatu zen, Elenak eta Mikelek zein telesaio ikusi nahi zuten eztabaidatzen ziharduten bitartean.

DANI: Aizue!! Denbora-pasaren bila ari ginen eta...aurkitu dugu, lagunok!
MIKEL: Magia-libururik al da? Ia, erakutsi.
DANI: Ez da magia-liburu bat, baina antzekoa da...Liburu honen jarraibideak irakurtzen baditugu, izar bilaka gaitezke...

JOSU: Eta hala izan zen. Liburuaren jarraibideak betetzen, telebista itzali genuen eta antzezleak izateari ekin genion...

DANI: “Alde egin behar dut...”
ELENA: “Zurekin eraman nazazu, arren...”
JOSU: Ez eman denbora gehiago elkarri agur esaten...kito!
NEREA:Ez, Josu, horrela ez... kementsuago egon zaitez... tira, agerraldi osoa berriz egingo dugu...

JOSU: Saioak egiten hiru egun eman ondoren, auzoko aretoan eman genuen gure lehen emanaldia eta arrakasta handia lortu genuen...

1. AHOTSA: Elkarri musu eman diezaiotela!....
2. AHOTSA: Bai, beste musu bat!...

JOSU: Primeran pasatu genuen eta gainera, ospetsu bilakatu ginen. Auzoko telebistako kanalean eta irrati-emisorean atera ginen:

KAZETARIA: Zorionak, neska-mutilok...Hona hemen auzo honen sormenaren beste adibide bat... Aizue... eta zein da zuen taldearen izena?
ELENA: Taldearen izena zein den? Ba...
MIKEL: (ISILEAN) Taldearen izena zein den galdetzen du..
JOSU: (ISILEAN) Zein izen emango diogu?
KAZETARIA: Hara! Zera garrantzitsua falta zaizuela ikusten ari naiz... Baina, lasai,... zeregin hau irrati-saio honen entzuleei dagokie: Ia zein izen emango diogun antzerki-talde honi...Deitu irratira eta parte hartu lehiaketa honetan. Horra hor lehiaketaren laguntzaileak: “Goxo-goxo” gozokiak, “Kiko” izozkiak eta “Murtxi” txikleak... berehala gaituzue zuekin berriro...
__________________________________________________________________________________

Esan ezazu ondoko esaldiak EGIA ala GEZURRA diren:

1. Gazte hauek ez dakite zer egin. EGIA--GEZURRA
2. Elenaren aitak liburu bat ekarri die. EGIA--GEZURRA
3. Gazte guztiek hasieratik pozik eta gogotsu hartu dute liburua. EGIA--GEZURRA
4. Liburua irakurtzen eta antzezten hasi ziren izar bilakatzeko. EGIA--GEZURRA
5. Auzoan ospetsu egin ziren. EGIA--GEZURRA
6. Taldearen izena aukeratzeko irrati lehiaketa bat antolatu dute gazteek. EGIA--GEZURRA