Bilintx (Indalezio Bizkarrondo Ureña)
Indalezio Bizkarrondo "Bilintx" Donostian jaio zen 1831n eta bertan hil zen 1876an. Bertsolari eta euskal idazle izan zen. Bigarren Gerra Karlistan , liberalen Donostiako batailoietako batekin joan zen boluntario. Donostian, bere gelan zegoela karlistek jaurtikitako granada batek harrapatu eta hankak xehakatu zizkion; zauri haietatik hil zen.
XIX. mendearen erdialdean euskal literaturaren inguruan sortutako mugimenduko olerkari garrantzitsuenetakoa izan zen. Barne-sentimenduak ondo azaltzen jakin zuen; amodiozko poesia erromantiko eta ezkorra landu zuen, batik bat. Herri-poesiako oinarri sendoak zituen eta umorea eta ironia nahasten zituen. Olerkirik ezagunenak: "Juana Bixenta Olabe"; "Ja-Jai"; "Loriak"; "Maita nazazu arren"; "Kontzezirentzat"; "Juramentuba".
Iturria: Harluxet


Behin batian Loiolan
erromeria zan.
ikusi nuen
neskatxa bat plazan;
txoria baino ere
arinago dantzan.
bai polita
han politik bazan.

Esan desio
senti nuen gisan,
harekin hizketa bat
nahi nuela izan.
Erantzun ezik
atsegin har nezan
adituko
zer nahi esan.

Aurkitu ginanian
inor gabe jiran
koloriak gorritu
arazi .
Kontatuko
guztia segidan,
zer esan eta
nola erantzun .

-Dama polita zera,
polita guztiz, ai!
baiñan halare zaude
oraindik ezkongai.
Ezkon biok!
Esan , bai!
-Ni zurekin ezkondu?
-Ni zurekin, ja-jai!